Mushure menguva Beauty ashaika, vatete vekwaNcube vakashanya kuZvishavane kumba kwevabereki vaBeauty pari paEaster. Vakange voda kugadzirira unveiling yeTombstone yemwana wavo uye kusunungura mukwasha wavo Ronald Madondo.

Bianca aivewo kumba kwavo panguva iyi sezvo ange ari pazororo kubasa kwake kwaaishanda muHarare.
Nemumwe musi vaNcube vachangobuda mumba mavo, madzimai ndokusara vari vega, vachiita nyaya dzavo. Bianca akange akagara panze ega achisekerera chaizvo ari pafone yake.
“Ndivo babamunini here vamuri kutaura navo nhai mainini Bianca?” tete vakadaro vachigarawo pagarden chair yaivepo.
“Ah tete, bamunini venyu Arnold, akaenda kumusha kwavo, hakuna network. Ndiri kutowanzirana nabamukuru Ronnie, vari kuseka profile foto yangu ndine hembe yangu iya yewhite hanzi wandifungidza musi wandakasangana nasisi vako.”
Vatete vakadzungudza vakasuwa, ndokumbonyarara apo amai Ncube, amai vaBianca, vachigarawo pane vamwe vavo.
“Amai Bee muroora, nyaya iya yandakambotaura. Iwe Bianca, handiti unoona kuti babamukuru vako vachiri kungofunga mukoma wako Beauty? Kana nesu kuregera Madondo achibuda mumusha muno tinenge tarasikirwa zvikuru. Takamboti taurei naamai vako nyaya iyi kuti utore nzvimbo yasisi vako. Tarisa kana kudzorerwa pfuma akaramba. Tinongoona chivanhu chinoitwa wobva waita amai Madondo.”
Bianca akashama muromo achishamisika, amai vake vakamutarisa vachiona kuti mwana wavo aisada nyaya yange yotaurika iyi.
Bianca akabva ati; “Ah, munoda kundiita chii zviya, hanzii, that old, abusive, stupid tradition.”
“Yes chimutsamapfihwa. Ndakakuudzai tete tinenge taomesera vana. Ko kana Madondo wacho atove newaanodanana naye akangomirira nguva chete kuti akwanisewo gore rekuchema mudzimai wake? Varume havanonoke.” amai Ncube vakadarowo.
“Kwaaniko, honai mamessage avari kutumirana naamainini vake. Achiri wedu uyu, ngatimubatsire adzoke mumusha medu amai Bee. Iwe Bianca terera ini vatete vako. Ndonyaya yandakatofambira.”
Bianca akadzungudza, “No, tete, zvinonyadzisa, kuita babamukuru Ronnie murume wangu? Chokwadi mungangodaidza munhu mototi tora mukadzi uyu? And vanombotaura naArnold my boyfriend, zvinoitawo here izvozvo? Ndomuti chiiwo?”
Vatete vakasekerera ndokubata mwana wehanzvadzi yavo ruoko; “Unoita chimutsamapfihwa hongu mwana wehanzvadzi yangu, asi tinoitira pachirungu nepachikristu.”
Amai Ncube naBianca vakaseka vachishamisika chaizvo. Vatete vakanyatsogara zvakanaka ndokuti; “Unomushanyira mondogara mese Svondo rese kana maviri iwe Bianca, tomupa mukana wekukupfimba. Iwe wondoita mudzimai kwaye mumba make sezvaive mukoma wako. Asi uchirara zvako muguest bedroom, hauzvipe kwaari aiwa, isuwo vakuru hatimupe mukadzi waasingade. Asi sekuwirirana kwamuri kuita apa, swedera mudhuze Madondo adzoke mumusha medu.”
Vatete vakambonyarara vachida kuona kuti hama dzavo dzainzwisisa zano ravo here, pavakaona vaviri ava vaterera vakati nechomumwoyo mavo …..you don’t call me maNcube for nothing…..
Vakaenderera mberi, “Pamuchagara mese, iwe uchifunga mukoma wako, iye achifunga mudzimai wake, muchitaura mese ndangariro dzewamaida mese, munozonyaradzana chete. Rega akupfimbe iwe ubva washamisika chaizvo, wombomutukirira asi zvobva zvafamba. Then upenyu hwobva hwaenderera mberi zvakatinakira tese. Ngatimupei mumwe mukana wekuda nekudiwazve mumusha medu. Bvunzai tinzwe.”

Chances [Chapter 5] Stories By Lovely Rutendo Nzira

Bianca akambofunga ndokuti; “After the holidays tiri kuzoita stock taking around the country tiri in different teams for 2 weeks. Ndange ndakaiswa kuManicaland and Midlands. Ndichakumbira kuti vandiendese kuMasvingo ndinogara navo babamukuru. At least ndinenge ndine imwe reason yekuve mumba mavo.”
“Ndokuti MaNcubeka nhai Bianca, unoterera iwe ndozvandokudira.” Vatete vakadaro vachinyemwerera nekupiwa mukana kwakange kwaitwa zano ravo.
Amai Ncube vange vakanyarara nguva yese vakabva vati; “Asi musamanikidzire zvinhu. Tete vari kuti dananai mega mongozotiudzawo kuti ndozvamafunga. Handiti wanzwisisa mwanangu?”“Yes ndapanzwisisa, I will be careful, I don’t want to embarrass myself too.” Bianca akadaro achibudisa kuzeza kwaive maari.
Vakazotanga kuronga mutambo wavange vakatarisana nawo wekuisa dombo paguva raBeauty nekusunungura mukwasha wavo. Vakaenda mudhorobha vondoona dombo ravakange vanyoresa kune vaiita basa iri. Madzimai akanyemwerera vachiona mwana wavo Bianca onyanya kuve panharembozha nababamukuru vake.
Mushure mevhiki mbiri Easter yapfuura uye mitambo yese yaiitika apa yapera, vanhu vakange vave kumabasa avo. Bianca Ncube, akange abudirira kubvumidzwa kuenda kuMasvingo sezvo Company yaaishandira vaiita auditing kumaTM Supermarkets ese nyika yese.
Vakasvika vari vashanu nemotikari yebasa ndokunanga kwavaizogara vese kwakasiyana siyana. Vaizosangana pabasa mangwana Chipiri, kwemaSvondo maviri aizotevera.
Ronald akange akamirira amainini vake pamba nguva dzavakasvika muMasvingo, 11am dzichangochaya sezvo vakange vafumira chose kubuda muHarare. Vakakwazisana ndokubva babamukuru vandoisa mikwende yaamainini vavo mumba yevaenzi mavaigarorara pese pavaishanya mukoma wavo achiripo.
“Can you check around amainini, kana paine chamungade kushandisa chisipo. Beauty used to do that kana ndikambosara ndega aiuya otanga shopping as if mumba mange musina munhu. Check ndibva ndandokusiyai mutown ndichidzokera kubasa.” Ronald akadaro achifamba famba.Vakaseka vese Bianca achitarisa zvese kubva kubathroom ndokuzoita nguva ari mukitchen, amainini vakanyora pasi zvese zvavaida kuzondotenga mudhorobha.
Vakabva vandopinda muBenz yaRonald. Bianca akabata door rekumberi hana yake ndokurova ndokuzogara kumashure. Vakatarisana vese nemaziso airwadziwa asi hapana akada kutaura, vakanzwisisana muchinyararire.

Ronald akananga kubasa kwake kuIndustry kuMeat Market. Akabva andokumbira muzukuru wake Tawanda motikari yake iyo vakapa Bianca kuti ashandise kutenderera mudhorobha musi uyu.

Pakazosvika varume kumba na5pm, vakawana mumba masanduka zvedi. Makange machena, mbatya dzawachwa dzikaainwa, mibhedha yaiswawo magumbeze akachena ainhuhwira chose.
Sekuru nemuzukuru vakafara chaizvo, vakadya macheese biscuits ange abikwa naamainini. “Ndichambosvika kwaMucheke ndinotandara neboys, nhasi ndinonoka kudzoka. Kuno kwenyu kwakanyarara kunobhowa, ndajaira kurukisheni kune vanhu, so ambuya Bianca bye”,Tawanda akadaro ndokubuda oenda kuhwahwa.

Bianca akatsanangurira babamukuru vake basa raange afambira kuMasvingo nekuzogara kwavaiita vachiita Auditing. Bianca akapinda mumba ave kutanga kubika kudya kwavo kwemanheru. Ronald akaendawo mumba make mekurara ondorongedza mbatya dzange dzaainiwa achiisa muwardrobe make.
Akadzoka ndokumira mukitchen vachiita nyaya naamainini vake.
“Maita basa amainini, asi zvemipono yamaisa pamatrousers angu ekubasa handizvide. Bee aitoziva kuti ndoda trousers rakatenderera kwete mipono yenyu inocheka nhunzi, so ndaasiya pacouch riri mubedroom , mugoayina futi mubvise.”
Bianca akangonyemwerera ndokuramba achichekerera madomasi. Ronald akaenderera; “Even the first day Beauty raauya pano, aibvunza zvese, taiita zvese tese till tajaira and adjust kumagariro edu. Patakazoronga muchato tange tave kunge munhu mumwe chete chaiye.”
Bianca akabva ati; “Ichokwadi, kana sisi Bee vaigarozvitaura, taizviona tese kuti mairarama semunhu mumwe chete.”
Ronald akadzungudza ndokuramba akanyarara, mumba makamboita runyararo kwenguva ndokuzoti; “Beauty was smart, aindinzwisisa pasina chandataura, she was my other half………”
“Ah, nhai babamukuru, zviri normal chaizvo in all relationships, ndosaka vanhu vachikwanisa kugara vese. Imimi chiroorai, you need to move on, and let go of my sister.”
“Of course I will…….” Ronald akaramba akatarisa Bianca ndokuti; “Is it my imagination or this time manyanya kufanana nasisi venyu amainini?”
“Takagara takafanana wani, but sisi Bee was slimmer, saka ndange ndotoita semuhombe kwavari.”
Vese vakamboseka Bianca ave kusanganisa muriwo nenyama zvaaibika. Ronald akatarisa ndokuti; “Eeeeish, you mixed nyama nemuriwo??” Bianca akashaya kuti babamukuru vake vaitaurei ndokuramba akavatarisa.
“I mean, I don’t like muriwo unosanganiswa nenyama, irecipe yeparufu chaiyo, I want it separate. Zvinondipedza appetite izvo zvakasanganiswa kunge cabbage rasanganiswa nemaguru parufu kuti riite taste.” Ronald akatsanangura.
Bianca akatarisa zvaaibika ndokutarisa babamukuru vake ndokuvanyemwerera achiti; “Maybe hamuna kumbodya pazvakanyatsobikwa bho. Handiti mavegetables acho anobvawo aita nice taste and flavor yenyama here, ndozvinonaka manje.”

Ronald akadzungudza ndokuti; “Green veggie raibikwa naBeauty, just frying it in oil and onion, ndaidya rakadaro risina nyama. And rainge rakachekwa so thinly and same size like knitting wool. Hamuzvigone here amainini?”
Bianca ange avhara poto dzake aterera zvaitaurwa nababamukuru vake. Avo vakaenderera vachiti; “You don’t need mafuta enyama or nyama yacho to put flavor muma vegetables, flavor iri mumaoko emubiki. Do you know amainini pataienda kuParty even tikadzoka midnight, I would still ask Bee to cook a little something for me. Ndaisakwanisa kuita 24hours ndisina kudya zvaabika, mudumbu mairira nenzara.” Ronald akadaro ndokuseka chaizvo.
“Tawanda ange ave kutonditi ndakadyiswa. Asi kana kwaive kudyiswa ndaisada hangu kurutsiswa.”
Ronald akandovhura poto yaive neusavi hwange hwabikwa namainini vake ndokutora muriwo nechipunu chaivepo ndokuisa muruoko rwake.

“So….. seizvi, this is what I mean, kuita semacheka muriwo nemugoti. Beauty aicheka zvekunge anenge akaisa ruler to measure a millimeter on each strand, imi munozvitadza seiko makarerwa naamai vamwe chete?” Ronald akadaro atarisa amainini vake.
Bianca akafinyama ndokuti; “umm mave kuwanza manje, makazotaurisa so riini? Bva vachatomuka kumakuva vazocheka maveggie.”
Ronald akashama muromo akatarisa munin’ina wemudzimai wake ndokuti; “Ah, how dare you say that about your own sister?”
“Handisi kutaura about sisi vangu ini. Ndiri kutaura imimi munenge muri kumakuva mamwe chete navo. Let my sister rest in peace, Beauty this, Beauty that, ndozvega zviri mumusoro menyu.” Bianca akafamba achibuda mukitchen umu.

Akacheuka ndokuti; “Huyai mundiratidze kuti Bee aimaayina seiko mabhurugwa enyu, ndibvise mupono wandaisa, and zvanditorera nguva because like you said, pange pasina pekutevedzera ndini ndatotangawo, nechandazviitira, handichaayina futi. And kana ndave kuenda kubasa svondo rese ndotenga take away yangu muzvibikire zvamakadzidziswa naBee. Nonsense.”

Bianca akafamba ndokubuda Ronald asati apindura, akabva aenda muSpare bedroom ndokundorongedza mbatya dzake ndokugaramo kusvika usiku chaihwo. Ronald akasara akagara ega ave kuona Tv.
Akazoona amainini vasina kuuya kuzobika sadza, akabva abika ega ndokundogogodza mumba maive naBianca. Musikana akavhunduka sezvo nguva dzange dzaenda atobatirwa nehope.

“Mave kurara musina kudya here amainini, chiuyai tidye tese mangwana kubasa.” Ronald akadaro akamira pamusuo waBianca.
Bianca akazotora nguva yake ndokumuka, akandogeza ndokuzoenda vondogara vese vodya chinyararire.
Ronald akazodzima runyararo achiti; “Sorry, amainini, I always get carried away kana ndichitaura about my late wife. I am not saying pane zvamakanganisa. But ndatozvitaura ndichifunga kuti since she is your sister, tinonzwisisana zvatiri kutaura.”
Bianca akamboita nguva akanyarara ndokuzoti; “Zvakaoma, manje munomuwanepi anoita zvese zvamange muchitaura izvo? Achitevedzera maitiro asisi Beauty, ini munin’ina wavo ndichitotadza.”

Ronald akakwidza mapipito ake ndokuti; “Handisi kutsvaga mukadzi inini. Not now. Beauty was my soul mate. Zvakatopera.”
Bianca akaramba akanyarara ndokuenda kukitchen ave kundosuka ndiro, apa nguva dzange dzave kutosvika ku9 o’clock usiku uhwu. Achisuka kudaro Tawanda akabva apinda ndokugara mukitchen umu achitaura naBianca.
Bianca akabva apakurira muzukuru chikafu chake ndokubva adya achitaura vachiseka chaizvo.
“Maita basa ambuya, hanzi kukaringa ndiwo mupfuhwira, ndanzwa parere moyo. Dai ndiri ndega ndatorara nayo ndambonwa kudai.”
Bianca akabva abuda umu ave kundorara, varume vakambosara vachiita nyaya dzekubasa kwavo kusvika vandorarawo.

Pakupera kwevhiki iyi, Ronald akati vese vaende kuGreat Zimbabwe vachindoona mabwe edzimbahwe. Vakasvika ndokutenderera vachiona matombo sezvavaigaroita nguva dzese. Pashure vakandogara kuseri kweGreat Zimbabwe Hotel kwaive neswimming pool ndokudaidzira hweta ovapa zvekunwa.
“Sekuru hamunete nenzvimbo ino here, ndatouya zvangu nekuti ambuya Bianca ndovangade kuona, ini ndaneta nawo matombo epano, ko anochinja here?”
Vese vakamboseka Bianca ndokuti; “Tambonzwawo mhepo, ko taiitei mumba on a Saturday afternoon. Asi ndizvo, pese pandinovashanyira tinongouyiswa pano, nothing new to see.”
Ronald akanyemwerera akatarisa pasi ndokuti; “Sorry henyu if you don’t like the place. But even naBeauty honeymoon yedu takange tichizouya pano, takange taronga kukusiyai makagara mega in that fucked up tent tigozoita 2 nights pano, that fucked up tent rakazogara vanhu vave kuchema. And uko kumatombo, everytime pataiuya we would discover something new. Even if you check our fotos, Beauty would see something fascinating chatinenge tisina kuona on all our previous visits.”
Tawanda naBianca vakangotarisana ndokuramba vakanyarara. Vese vakabudisa cellphone dzavo ndokutanga kubaya baya.
Ronald akabva ati; “Even nhasi so, I am telling you, Beauty angadai atiratidza something new, imi muchiona matombo angadai aona something chaizotipa another idea yekuita zvimwewo about the future. That woman was just too brilliant. Too good too be true ndosaka akaita short life, that explains it, she was not an ordinary woman, she was an angel.”
Pakamboita runyararo, Bianca ndokuzoti; “Ko handei kuWimpy for chicken or ice cream.”
Tawanda akatsigirawo achiti; “Chokwadi sekuru, mumbondotitengera Wimpy nhasi, ndigoenda zvangu kuhwahwa ndakaguta.”
“Maybe braai, or mainini mondoita mixed grill kumba. These fast foods, Bee aiti mafuta ega ega and are very unhealthy, ndosaka mainini muchitoonawo kuti you are getting fatter and you looked older than sisi venyu, kudya izvozvo zvisina utano. Dai maitevedzera her healthy lifestyle, you could be as beautiful as she was.”

Ronald akambonyarara achinwa drink rake ndokuzoti; “She was sexy, even in pregnancy……… she did not lose her attractive figure, she was slender, energetic, healthy and ……”
Tawanda akasimuka ndokuti; “Toendaka, handei zvedu, pano pave kundibhowa, dai ndauya nemota yangu ndakusiyai zvangu. Ndoda kundotamba pool kwaMajange uko.”
Bianca akasimukawo ndokuti; “Handei …………” vaviri ava vakafamba vachitungamira kuenda kumota. Ronald akambosara ndokuzotevera ave ega.
Vakamboita nguva vakanyarara Bianca ndokuzoti; “Babamukuru you need to go for counseling. You need serious bereavement counseling.”
Ronald akaseka achirova amainini vake maoko ndokuti; “Ndozvamange muchiudzwa naTawanda uyu. Ndadii?”
Bianca akatarisa Tawanda uyo akangodzungudza ndokuti; “Hoo Tawanda akatombokuudzaika? So tese tingapenga here kuona kuti munoda bereavement counseling?”
“Meaning? Ini ndini ndave kupenga manje? Why is it people, I mean even you my family, you get so irritated when I talk about Bee? What’s your problem you people? Kuzoti dai ndaitaura about someone wamusingazive?”
Bianca akambofunga ndokuzoti; “Noone is irritated, kana paine pandakaratidza kusazvifarira sorry henyu. Asi now ndave kurwadziwa nazvo. Muri munyika yenyu mega imi, muri kuvafi nasisi Beauty. Vakatofa zvakatopera ……………”
“So what kana akafa, anorega kuve the perfect woman wandaida achindida here? Nemiwo amainini ndave kutoona kuti mange musingazive sisi venyu semaziviro andaimuita.”
Tawanda akange angonyarara achityaira Benz yasekuru vake.

“I understand babamukuru. Hamuna kurambana nasisi Beauty, makaparadzaniswawo musingazvitarisire, so the memories are just too good, and haaende zvekumhanya. But you need to move on. Mucharamba muchidai kusvika rini? Honai gore ratokwana, tsvagai bereavement counseling kwamunondogoneswa kuti muchiparadzana nasisi Bee.”
Bianca akambonyarara, akatarisa babamukuru vake ndokuzoti; “Sorry to say this, asi mungatadza kuzviona kuti ndozvamuri kuita, asi kunesu veukama munorwadza kugara nemi, kuvatorwa munotobhowa. I won’t mind kufananidzwa nasisi vangu asi kana mukaenzanisa mumwe mukadziwo zvake, umm munotukana mukazoti munhu ane hutsinye maudzwa kunzi endaiwo kumakuva kuna Beauty wenyu iyeye.”
Ronald akambonyarara akatarisa panze ndokuzoti; “Yaa zvinodaro, but matondiudzaka nhai amainini kuti ndiende kumakuva kuna Bee. Sometimes I wish dai zvakadaro, inini nemwana wangu nemukadzi wangu, dai ndisina ndangariro dzese idzi dzinorwadza, dzisina anondinzwisisa, dzisingaperi, and dzave kutondiita sebenzi. ” murume akaridza tsamwa ndokunyarara. Tawanda naBianca vakangotarisana Tawanda achitsonyera kuti ambuya vadiki vachinyarara.

Vakasvika kumba vakanyararisana, Tawanda akasiya Benz ndokutora motikari yake oenda kurukisheni kwaainwira nevamwe. Ronald akasvika ndokungopinda mumba make mokurara ndokuzvivhariramo chinyararire.
Bianca akasara akagara ega panze ndokufonera vatete vake naamai vake achitsanangura zvaiitwa nekutaurwa nababamukuru vake.
“Tete ndazvitadza ini, mufunge vanotondideedza kuti Bee, for Beauty kwete for Bianca, vanotoda kubatsirwa, vanotove murwere chaiye.”
Kunyange tete vakamboda kukurudzira kuti aite mwoyo murefu, Bianca akapedzisira ave kuita hasha achitadza kuteverera zvaida babamukuru vake. Akange odemba kuti dai vhiki yepiri iyi yamhanya achidzokera kwake asiyana nekunzwa nezvemukoma wake mushakabvu nguva nenguva.